"Har ek baat pe kehte ho lyrics"
Song: Har ek baat pe kehte ho
Singer:Abida Parveen
Lyrics by: Mirza Ghalib
Har Ek Baat Pe Kehte Ho Tum Ki Tu Kya Hai
Tumhi Kaho Ke Ye Andaaz-E-Guftgu Kya Hai
Na shole mein ye karishma na barq mein ye adaa
Koi batao ki vo shokh-e-tund-Khu kya hai
Ye rashk hai ki vo hota hai hamsukhan hamse
Vagarnaa Khauf-e-bad_amozi-e-adu kya hai
Chipak raha hai badan par lahu se pairahan
Hamari jeb ko an ab hajat-e-rafu kya hai
Jalaa hia jism jahaan dil bhi jal gaya hoga
Kuredte ho jo ab raakh joostajuu kya hai
Ragon mein daudte phirane ke hum nahin qaayal
Jab aankh hi se na Tapaka to phir lahoo kya hai
Vo cheez jiske liye humko ho bahisht aziz
Sivaa_e bada-e-gulfaam-e-mushkabuu kya hai
Piyun sharab agar Khum bhi dekh loon do char
Ye shisha-o-qadah-o-kuza-o-subuu kya hai
Rahii na taaqat-e-guftaar aur agar ho bhi
To kis ummeed pe kahiye ke aarzoo kya hai
Bana hai shah ka musahib, phire hai itarata aa
Vagarna shahar mein “Ghalib” ki abaruu kya hai
No comments:
Post a Comment